Ingi Markússon

Furðusagnahöfundur

„Lokahnykkurinn á metnaðarfullum þríleik sem markar spor í íslenska furðusagnahefð.“ (um Heiðmyrkur)

HILDUR KNÚTSDÓTTIR

„Hér er komin bók sem rígheldur lesandanum frá upphafi til enda.“ (um Svikabirtu)

JÓN ATLI JÓNASSON

„Skuggabrúin er fagurlega smíðuð bók orða sem flytja okkur í sagnaheim af ljósi og myrkri, þar sem ævintýralegar frásagnir fléttast saman í huga lesandans og speglast í persónum og atburðum úr veruleika samtímans.“

SJÓN

Heimsslit á Haustgildi

Las upp ásamt Nínu Ólafsdóttur þann 5. september á menningarhátið Stokkseyringa, Haustgildi, undir yfirskriftinni Furður og fantasíur - endalok heimsins. Í kjölfarið sátum við fyrir svörum. Bækur okkar Nínu eru á vissan hátt skyldar þótt gjörólíkar séu. Kom í ljós að Svalbarði er nokkur örlagavaldur um tilurð bókanna en þangað höfum við bæði komið. Þakka Pétri Má Guðmundssyni og bókabæjunum austanfjalls kærlega fyrir boðið.

IceCon 2026 - Ursula K. Le Guin

Þá er íslenska furðusagnahátíðin IceCon að baki. Ánægja að taka þátt í pallborði um meistara furðusögunnar, sjálfa Ursulu K. Le Guin, ásamt Giti Chandra og Einar Leif Nielsen undir stjórn Snæbjarnar Brynjarsonar - auðvitað var byrjað á K-poppi!

Dagmál hjá Árna Matt

Leit við í Dagmál hjá Árna Matt snemma morguns (um dagmál). Við ræddum um þríleikinn, tilurð Skuggabrúarinnar og framhaldsbókanna, og hugmyndirnar að baki. Öðrum þræði er þetta saga um hefnd þar sem hver heimsendirinn rekur annan. Ekki var hjá því komist að ræða tónlistina enda höfum við Árni þekkst lengi á þeim vettvangi. Þátturinn er aðgengilegur hér. Styttri útgáfa af viðtalinu er að finna í Morgunblaðinu, úrdráttur hér.

Ingi Markússon

Heimsslit á Haustgildi

IceCon 2026 - Ursula K. Le Guin

Dagmál hjá Árna Matt

SAMBAND